Dortmund hnehtu Inter lawm a kim lo

Nilaini zan UCL-ah Inter Milan chuan an mikhualna ramah Borussia Dortmund 2-0 in an hneh a, Inter hi chak mah se direct-a last 16 an khelh phak loh avangin an lawm a kim lo.

Signal Iduna Park-a inkhelah team pahnite goal hmaah an vanduai a, goal khung loa point an insem mai dawna a lan laiin minute 81-naah Inter tan Federico Dimarco-a'n hmahruaina goal a khung a, injury time-ah Andy Diouf-a'n khung ve lehin, Inter an chak.

Inter hi point 15 hmuin table-ah 10-naah an awm a, Newcastle leh PSG te chungah awm mah se club dang an chak ve tho avangin playoff an khelh a ngai.

Inter tan direct-a round of 16 luh loh hi a pawi thei - Serie A lamah hmahruaitu ni mah se an hmelma AC Milan-in an um ve reng avangin an inthlahdah thiang lo a, chutiang kara Champions League match khelh tur awm hian a tihbuai theih avangin Cristian Chivu hote'n an ui khawp ang.