Rza'n silver medal la

Yonex-Sunrise All India Masters Ranking Badminton Tournament khelh zawh takah K. Ramzauva chuan silver medal a la. Rza hi 60+ Men's singles category-ah a inlan a, inelna hi January 25 - February 1 chhung neih a ni.

Agra, Uttar Pradesh-a neih inelnaah Rza hi seeded no. 2 ni chungin a inlan a, round of 32 aṭangin a inlan ṭan. Khatla Veng pa hian a match hmasa berah Achimi Yekhuvi chu 21-19, 21-18 in a hneh nghal.

Round of 16-ah Atul Walia hmachhawnin, 27-25, 21-11 in hnehna a chang nawn a, quarterfinal-ah pawh harsatna nei loin Pavalavannan B. chu 21-12, 21-13 in a hneh leh bawk. Semifinal-ah Rza hian 22-20, 17-21, 21-14 in Sandeep Vij chu a hneh leh a, inkhel a hmuhnawm hle.

Final-ah erawh seeded no. 1 Ram Lakhan nen inkhelin, 18-21, 22-20, 5-21 a vanduai zawkah aṭang ta a, silver medal-ah lungawi a zir ta a ni.

Mizoram Badminton Association (MBA) chuan thuchhuah siamin, "MBA chuan India ram pum inelna liana Mizoram tihmingṭhatu K. Ramzauva hi a chuangin, a hlawhtlinnaah a lawmpui hle a ni," an ti a, Mizoram tihmingṭhatu ni zel turin duhsakna an hlan.