Wolves-in Angel Gomes la dawn

Premier League club Wolverhampton Wanderers chuan Marseille aṭangin Angel Gomes an la dawn. Wolves hian hian loan-in an la ang a, season tawpa lei theihna an nei bawk ang.

Kum 25 mi Gomes hian nipui lai khan Lille aṭangin Marseille a zawm a, match 20 khelin goal li khung tawh mah se nikum November hnuah bul a la ṭan leh lo. Wolves hian tun season-ah beisei an phak lo a, match 24 khelh tawhah point riat chauh hmuin table mawngah an awm. Relegation zone chhuahsan an tumna kawnga pui turin Gomes hi an duh.

Gomes hi Premier League-ah a mikhual lo a, Manchester United tan kum 16 leh ni 263 chuah a nih laiin senior match a khelh hmasak berah Wayne Rooney a thlak a, Duncan Edwards hnua United tana inlan thei naupang ber a ni.

Wolves hian Inrinni zan khan Bournemouth an mikhual a, 2-0 in chah lo. Cherries tan Eli Junior Kroupi leh Alex Scott ten an khung a, mualneitu hian a chhanletna an nei lo. Rob Edwards-a hote hian February 7, Inrinni zanah Chelsea an mikhual ang.