Chhinga Vengin Zarkawt an hneh

Mahuma Memorial Cricket Tournament khelh mekah nimin khan Chhinga Veng chuan wicket khatin Zarkawt Lords an hneh. Zarkawt hian over 38-ah run 157 siamin wicket an hloh vek a, ball 90 a hmachhawna run 70 zet vaw chhuaktu Zahir Uddin chu Zarkawt tan player langsar a ni.

Chhinga Veng tan target um hautak niin lang mah se Saidul Balaskar-a'n ball 43 lek a hmachhawn aṭanga run 67 vaw chhuakin Chhinga Veng tan beiseina a siamsak a, run 23 siama a tawp thleng dam William Pachuau-in a rawn thlawp ṭhat bawk avangin over 39-ah an target umphaa wicket kua hlohin Chhinga Veng lamin hnehna an chang ta a ni. Vawiin chaw-hma dar 9:15 hian Tlang-nuam leh Kulikawn an inhmachhawn ve leh ang.