Ferrari-ah Sebastian Vettel a nghet

World champion Nico Rosberg-a'n Formula 1 a chawlhsan thut a, a hmunruak luah tur an inrinsiak nasa nghal hle. Marcedes driver tur hian an neih lai Lewis Hamilton bakah Sebastian Vettel hming lamrik a ni - German driver Vettel hian Ferrari chhuahsan tumna a neih loh thu a sawi thung.

Kum 31-a upa Rosberg-a'n For-mula 1 champion nomawi a chawi chiah khan Michael Schuma-cher leh Vettel te hnungzuiin Ger-man driver zinga he dinhmun luah thei pathumna a ni, beisei loh takin a chawl zui a, khawvel a barakhaih hle.

Tun dinhmuna Formula 1 team
ṭha bera ngaih Mercedes hian an driver kal chhuak hmun ruak luah tur hian khawvela a ṭha berte zinga mi seng luh an duh ngei ang tih chu a chiang.

World champion vawi li ni tawh Vettel chuan, "Kei leh Kimi Raikkonen hian Ferrari tan kum khat daih contract kan la nei a, thil dang teh vak a awm lo. Hma kan sawn theih dan tur ngaihtuahin kan buai thei hle a, kei chuan kan tem tana ṭha taka ka tlan chhunzawm theih hi ka duh ber," tiin a sawi.

Kum 29-a upa Vettel hian Red Bull car khalh chungin kum 2010 aṭanga 2013 inkar khan Formula 1 roreltu a lo ni tawh.