Lalzuia Open ṭan a ni

Nimin aṭang khan Mizoram tennis inelna ngaihhlut Lalzuia Open chu Aizawl Tennis court-ah khelh ṭan a ni a, seeded pathumna Lal-hmachhuana'n hnehna a chang nghal. Ngopa tlang-val Hmachhuana hian Baktawng tlangval Lalngaihawma lakah 4-0, 4-1 in hnehna a chang.

Mizoram Tennis Asso--ciation buatsaih Lal-zuia Open hi kum tin December thlaah neih ṭhin niin kumin hi a vawi 35-na a ni. Mizoram hmun hrang hrang aṭangin player 100 bawr vel inlan turin an inziak lut.

Inelna hi mens leh ladies singles bakah mipa leh hmeichhe nau-pang tan under 14 leh 18 inelna buatsaih a ni bawk. Men's singles-ah hian Ngopa chhuanvawr Ramengmawia leh Mizo-ram number 1 lo ni reng tawh Innocent Lalrindika te an inlan bawk ang.