Yannick Bolasie an zai dawn

Everton winger Yannick Bolasie chu a khup hliam endik a nih hnuah zai a ngai tih hmuhchhuah a ni a, a chawlh chen tur hi hriat theih a la ni lo.

DR Congo international hian kumin August thla khan pound maktaduai 25-in Crystal Palace aṭangin Everton hi a zawm a, player pawimawh ni nghalin league match a la khel kim vek. A hliam vang hian January thlaa khelh tur Africa Cup of Nations-ah an ram tan a inlan thei lo ang.

Kum 27-a upa Bolasie hi Pathianni zana Manchester United nen 1-1 a an inhneh-tawk ṭumin a hliam vang hian minute 68-naah lakchhuah a ni.

Everton chuan, "Yannick Bolasie khup dinglam hliam chu endik a nih hnuah zai a ngai ngei tih hmuhchhuah a ni a, ni reilote hnuah zai nghal tur a ni ang. Ṭha taka a lo kir thuai theih nan duhsakna kan hlan," tiin thuchhuah an siam.