Cleveland tan James a rawn ding chhuak

NBA champion Cleveland Cavaliers chu regular season kal mekah a zawnin match tum chhung an chak lo a, an boruak a ṭha lo. Nimin zing khan LeBron James chuan point 34 score-in Toronto Raptors lakah Cavs hi 116-112 in hnehna a chanpui ve leh ta.

Cavs tan hian nikum NBA Finals MVP James bakah Kevin Love chuan point 28 score-in rebounds vawi 14 a la bawk a, hnehna an chan theih nan an thawh hlawk fal hle - James leh Love hian a zawna match ruk chhung chak zawn tawh Raptors kaltluang lai an ti tawp.

American star James chuan, "Min ṭantu fans rinawm kan nei zel a, coach Tyronn Lue-a'n ruahmanna fel tak a neih bakah player ten hnehna kan chan ngei theih nan kan thawkrim bawk," tiin a sawi. Cavs hian Ningani zing dar 6:30-ah New York Knicks an hmachhawn leh ang.

Nimin zing NBA inkhel dangah Portland Trail Blazers chuan Chicago Bulls lakah 112-110 in hnehna an chang a; Washington Wizards chuan 118-113 in Brooklyn Nets an hneh ve bawk.