TBL leh Tuikual South bawk

Nimin khan Mizoram Basketball Association buatsaih MBBA Cup 2016 semifinal khelh a ni a, Mizoram Super League 2 final-a inhmachhawn pahnih Khatla TBL leh Tuikual South ten an khingpui ve ve hnehin final an lut.

Hawla Indoor Sta-dium, Republic Veng-thlanga semifinal khelh hmasa zawkah Mizoram Super League 2 finalist Tuikual South chuan Zarkawt BCA lakah 81-160 in hnehna an chang. Tuikual hi quarter hmasa pathumah an chungnung zawk vek a, MSL1-a pahnihna BCA hi quarter hnuhnung berah 13-15 in sang zawk mah se an lehthal thei tawh lo.

Inkhel hnuhnung zawkah Khatla TBL leh Zarkawr Serpents an in-hma-chhawn a, MSL vawi hnih champion tawh TBL-in harsatna nei loin 100-75 in hnehna an chang - TBL hi quarter tin-ah an chungnung zawk vek.