French GP a awm leh dawn

Formula 1 inelna boruak a in-lumlet chho zel. Season thar aṭangin German Grand Prix a awm tawh dawn lo a, Malaysian GP pawh an inremna bak siam chhunzawm an tum tawh lo. Hetihlai hian French Grand Prix chu kum 2018 aṭangin tlan ṭan a ni leh tawh dawn.

France-a intlansiak hnuhnung ber chu kum 2008 kha niin Ferrari driver Felipe Massa-a'n hnehna a chang. Hemi hnuah inelna hi neih chhunzawm a ni tawh rih lo a, kum 2018-a an tlanna tur hmun hi France ram chhiM lama Circuit Paul Ricard niin 'Le Castellet' tia sawi ṭhin a ni bawk.

Kum 1906 khan France hian a vawi khat nan motor intlansiak lian hi a lo thleng tawh a, inelna buatsaihtu lamin sum lama harsatna an neih avangin hun rei tak chung chu neih chhunzawm theih a ni lo.

Season thar atan German GP tlan dawn lo mah se kum 2018-ah chuan tlan leh theih a nih beisei a ni a, tun hnaia dinhmun chiang loa an sawi reng Italian GP erawh neih chhunzawl zel turin kar hmasa khan inremna siam a ni thung.