Kulikawn an chak

Mahuma Memorial Cricket Tournament khelh mekah nimin khan Kulikawn chuan run 33-in Tlangnuam an hneh. Kulikawn hian ver 39-ah run 166 siamin an out vek a, Michael Lalremkima (21 runs), Lalrinsanga (26 runs), Prasanjit Sarkar (33 runs) leh Kamal Gurung (26 runs) te an inthlawp
ṭha hlawm hle.

Tlangnuam lamin target huphurhawm tak an nei tih inhre mah se run 12 chiah pea wicket nga latu Kulikawn captain Michael-a an ngam loh avangin run 133 bak an tlin thei lo a, over 34-naah out vekin a tlawm zawkah an
ṭang ta a ni. Vawiin chawhma dar 9:15 hian Luangmual leh Chanmarians an in-hmachhawn ve leh ang.