Boxing Team-in Guwahati pan

Mizoram boxing team chuan Senior Men National Boxing Championship hmachhawn turin nimin khan Guwahati, Assam panin Mizoram an chhuahsan.

Boxing inelna lian hi December 8-13, 2016 chhunga neih tur niin boxing team hi manager K.Laldawngliana bakah coach pahnih Rosema Colney leh Pawan Singh ten an hruai. Boxing C'ship-ah hian Vulṭhavunga chu R & J turin a kal dawn bawk.

Mizoram aiawh tur zawnna hi De-cem-ber 3, Inrinni khan Ramhlun boxing hall-ah neih a ni a, boxer pasarih thlanchhuah an ni. Chung boxer-te chu :

49kg NT Lalbiakkima, Siaha

52kg Laldinmawia, Tuipui

56kg Zonuntluanga, Dinthar

64kg Lalmuanpuia, Khatla

69kg Andy Chuaua, Chhinga Veng

75kg John Kenty H.C. Vanhlimpuia, Tuipui

81kg Zarzoliana, Sawleng.

December 5, Thawhṭanni aṭang khan MIZBA kaihhruaina hnuaiah boxer naupang zawk tan Non Residential Coaching Camp, Ramhlun boxing hall-ah neih ṭan a ni bawk.