Barca tan Turan

El-Clasico a chak zo lo Barcelona chu Champions League lamah an harh-chhuak nghal. Catalan club hian Thawhlehni zana an mikhual Borussia Monchengladbach chu 4-0 in an sawp.

Nou Camp-ah Liver-pool manager Jurgen Klopp-a'n a naute inkhel en turin a hruai a, Reds hmuh laia player langsar ber chu Arda Turan niin second half-ah hattrick a siam.

Barcelona tana goal hmahruai khungtu chu
ṭum danga an lawmna thlen fo tawhtu Lionel Messi bawk niin Turan siamsak a ni. German club laka khel ṭha ber Turkey forward Turan-a'n second half-ah a thiam zia a lantir a, minute 17 chhung (50', 53', 67') leka goal thum khungin nuamsa takin hnehna an chang.