City an la harh thei lo

Group C aṭanga Barcelona hnung zuia last 16 lut tawh Manchester City-in an group match hnuhnung berah hnehna an chang zo lo. Pep Guardiola naute hi an mikhual Celtic nen 1-1 in an inhnehtawk.

Kartawp inkhela Chelsea 3-1 a hneh lo team aṭangin Guardiola-a'n player pakua ngawt a siksawi a, rawlthar Pablo Maffeo leh Tosin Adarabioyo te tan hmun a siamsak.

Etihad Stadium-a inkhelah Celtic lamin mi nute lina lekah Patrick Roberts hmanga an hmahruaina chu minute li hnu lekah Kelechi Iheanacho hmangin City-in an sut a, goal dang a lut zui lo. Match ruk khelh aṭangin Celtic hian point thum chiah an hmuh avangin Europa League pawh an khel phak dawn lo.