Napoli chakna Mertens

Italian club Napoli-in Champions League last 16 lut turin draw chiah mamawh mah se Benfica khelmualah 2-1 in hnehna an chang a, Group B hmahruaitu nichungin a thiam 16 zingah an tel. Serie A club hian goal khung turin minute 60 an nghah thlen a ngai a, danglamna thlentu chu minute 57-na a substitute bench aṭanga tlanlut Mertens a ni.

Belgian winger hian khelmualah minute thum chauh hun a hmang hman tihin Jose Callejon goal khung tur a siamsak a, a ṭhianpa tan assist a neih
aṭanga minute 19 hnuah an goal hnihna a khung ve leh bawk. Portuguese club tan Raul Jimenez chuan minute 87-naah goal khat khung ve mah se awmzia a nei tawh lo. Benfica hi a tlawm zawkah ṭang mah se inkhel lehlamah Besiktas an tlawm avangin last 16 an lut ve ta tho a ni.