Liverpool defender thar Jacquet

Premier League-a beisei phak lo Liverpool chu thlasik transfer-ah Jacquet hmangin an inthuam lum dawn - Rennes defender Jeremy Jacquet chu pound maktaduai 60-in an lei dawn a, he thuziak i chhiar meuh chuan an inlei fel tawh ang.

Nizan khan English football-a thlasik transfer chu a tawp a, he thu buatsaih a nih lai hian Jacquet-a'n Liverpool-ah medical a nei mek.

Kum 20 mi defender hian tun thlasik transfer-ah erawh Reds hi a zawm nghal dawn lo a, Rennes-ah khel leh phawtin, nipuiah Merseyside club hi a zawm ve leh dawn chauh a ni.

France Under-21 international hian Anfield-ah kum nga leh a chanve atan contract a ziak dawn a, kum 2031 nipui thleng Anfield-ah chamin, kum khat dang pawhsei theih dan a tel bawk ang.

Reds hian Jacquet-a manah hian £55mtd an pe phawt ang a, a khelh ṭhat dan a zirin £5mtd pek belh leh tur a ni. Hetihlai hian Reds centre back Ibrahima Konate contract chu nipuiah a zo tawh dawn a, season ṭan dawna an lakluh ṭep Marc Guehi chuan tun thlasikah Manchester City a zawm san bawk.