Wilcox chungah Malacia a lawm lo

Manchester United left back Tyrell Malacia-a'n January transfer-ah Old Trafford chhuahsan tum mah se club director of football Jason Wilcox-a'n chhuah a phalsak loh avangin a lungawi lo.

Dutch defender Malacia hi Turkish club nen sawi zawm a ni a, Istanbul pan tura ngaih a ni tawh hnuah Wilcox-a'n chhuah a phalsak lo.

Tun season tawp rualin Malacia contract hi a zo dawn a, heti chung hian January-a player lakluh an neih loh bakah Patrick Dorgu a inhliam avangin Dutch defender hi a chhuah a remtihsak lo.

Malacia hian kum 2022 khan Feyenoord aṭangin Man United hi a zawm a, season hmasa berah match 22 zet Premier League-ah inlan mah se a hnu lamah hliamin a tihbuai vangin a inlan tawh meuh lo.

Manager chhuak ta Ruben Amorim-a player duh loh awm khawm 'bomb squad' zingah a tel a, nipui bazarah chhuahna an hmuh theih loh vang chauha la chhuak lo a ni a, tun season-ah match khat chauh a inlan a ni.