Milan-in Mateta an duh leh lo!

Crystal Palace striker Jean-Philippe Mateta chuan AC Milan zawm tum mah se, Italy-a pem a tumna chu a tlawlh a, French striker hian Serie A club-ah medical a paltlang thei lo.

Kum 28 mi striker hian Palace chhuahsan a duh a, Milan hian pound maktaduai 30-a lakluh an inhuam. Mahse, a khup lama a hliam avangin Milan chuan la lut lo turin thutlukna an siam leh ta zawk.

Nottingham Forest pawhin Mateta hi lakluh tumin kar hmasa lawk khan an lo dawr tawh a, mahse, Milan-in an ngamna aia sang zawk £35mtd-a an dawr chungin hnar an ni.

France tan vawi thum inlana goal hnih khungtu Mateta hi Palace hian amah thlakna tur an hmuh hma chuan chhuah an phal lo a, transfer tawp zanah Wolverhampton Wanderers forward Jorgen Strand Larsen chu £48mtd-in inremna an neihpui.

Strand Larsen an lakluh theih dawn avanga Mateta hi chhuah phal an ni a, mahse, tunah chuan striker pahnih hi an kawl dawn zawk ta thung - Mateta hian tun season-ah Palace tan inelna hrang hrangah match 34 khelin goal 10 a khung tawh.