Burnley sawptu Sunderland an vul

English Premier League season kal mekah Sunderland-in result an neih ṭhat chhunzawm zel a, Thawhṭanni zan khan 3-0 in Burnley an hneh a, Axel Tuanzebe-a'n an lamah a tihluh bakah Habib Diarra leh Chemsdine Talbi ten goal an khung.

Stadium of Light-a inkhelah Black Cats-in hma an hruai hma a, minute kuana lekah Axel Tuanzebe-a'n Diarra shot chu an lamah a dang pial lut. Diarra bawk kan hmu leh a, minute 32-naah chiang taka goal khungin an hmahruaina a belhchhah.

Mikhual team Burnley-in ball chang hnem zawk mah se chance an insiam hleithei lo a, goal zawnah vawi khatmah an pet lo. Minute 72-naah Talbi-a'n box pawn aṭangin an chak nemnghehna goal mawi takin a khung a, nuamsa takin Sunderland an chak.

Sunderland hian point 36 hmuin pariatnaah an awm a, Manchester United hneh lotu Fulham an lehpel. Sunderland hi tun season-ah beisei phak bakin an khel ṭha a, Regis Le Bris-a enkawlna hnuaiah Europe inelnaa tel ve an inbeisei mek.