Everton-in Chelsea winger George an hawh

Tun season tawp thleng khel turin Everton chuan Chelsea aṭangin winger Tyrique George loan-in an la a, Toffees hian an duh chuan nipuiah a ngheta lak thei turin inremna an siam bawk.

Everton hian loan thoa an lak Jack Grealish chu zai a ngaih avangin a thlaktu an zawng a, George hian an mit a la ta ber. George hian Chelsea tan match 37 khel ve tawhin goal ruk a khung tawh a, Premier League club dang bakah Europe-a club ṭhenkhatin lak luh duh ve bawk mah se English winger hian Everton pan a thlang.

Kum 19 mi George chuan,"Helai hmunah hian fans te an ṭha a, thawhrimna an ngaisang bawk a, chu chu ka hmuihtir dawn a ni.

David Moyes hi helai hmun ka pan chhan pakhat a ni bawk a, manager tawnhriat ngah tawh tak a ni a, Wayne Rooney leh player tam tak lo kaihruain tawhtu a nih avangin a hnuai inzir ka duh," tiin Toffees boss Moyes a fak thiam hle.

Everton hian point 34 hmuin table-ah 10-naah an awm a, an hmuh zat ang chiah hmu a pakuanaa awm Fulham nen Inrinni hian an inhmachhawn dawn a, George a inlan nghal a rinawm a, inkhel hmuhnawm tak a beisei ngam ang.