Verstappen nena inel chak Russel

Mercedes driver George Russel chuan 2026 Formula 1 season-ah Max Verstappen nen inel a châk thu a sawi a, pre-season favourite a nihna chuan zamna a siam loh thu a sawi bawk.

Kum 27 mi Russel chuan,"Max nen hian mimal taka inel ka châk viau a, Lando Norris-a'n season hmasa ṭha tak hmang zo mah se keimahah pressure a awm lo ," tiin a huphurh loh thu a sawi. Russel hian 2022-a Mercedes a zawm hnuah F1 intlansiakah vawi nga a chak tawh.

F1 hi FIA-in a lo tih ṭhin danin car regulations a thlak thar kum a ni a, 2026-a hman ṭan turin car bakah engine, ke size thar leh wing zawng zawng a tharin an thlak vek. Mercedes-in Barcelona-a test an neih hmasak berah team dang mak tih hlawh khawpin a ṭha tih Russel hian a sawi tawh bawk.

British driver Russel chuan,"Mipuiten Mercedes leh McLaren te hi inel turin an beisei ṭhin a, a chhan chu Mercedes hian engine a neih ṭhat ber vang a ni.

Mahse tunah chuan team dang pawhin engine an nei ṭha tawh hle a, Red Bull pawhin car an nei ṭha tawh a, chuvangin Max (Verstappen) pawh a phur tawh viauin ka ring a, a ṭang sawtin ka ring bawk," tiin F1 in thil a thlak danglam chuan a tihphur thu a sawi.