Sunderland-in Angulo an la

Sunderland chuan Anderlecht aṭangin winger Nilson Angulo an la lut a, a man atan pound maktaduai 17.5 an seng. Ecuador international hi Premier League lamah a hmel kan hmu dawn.

Kum 22 mi Angulo hian 2022 khan Anderlecht hi a zawm a, kum thum a awm chhungin match 30 a inlanah goal 15 a khungsak hman. October 2021 khan ram tana a match hmasa ber a khel a, friendly match-a Mexico nen an intumin Ecuador tan a inlan a ni.

Tun season-ah beisei phak bakin Sunderland an che ṭha a, league-ah point 36 hmuin pariatnaah an awm mek. Europe inelnaah tel theih tumin Angulo hi an mamawh chhanna a nih an beisei ang.

Sunderland sporting director Kristjaan Speakman-a'n,"Nilson hian hmabak êng tak a nei a, keini min zawm duh avangin kan lawm a, la naupang viau mah se tawnhriat a ngah tawh avangin kan ṭangkaipui khawp ang," tiin Anguilo-a'n a zawm avangin an lawm thu a sawi. Hetih lai hian Sunderland forward Simon Adingra chuan season tawp thleng loan-a khel turin AS Monaco a zawm ve bawk.