2020-ah AIFF Futsal Club Championship

All India Football Federation Executive Committee Meeting chu December 10 khan New Delhi-a Le Meridian Hotel-ah neih a ni a, AIFF thu rel zingah kum 2020-a Futsal Club Championship neih a tel.

AIFF president Praful Patel chuan India ramah futsal a lar chhoh thu leh, khawpui tawt tak karah pawh hmun awl remchang apiangah an khelh thu sawiin, "AIFF-in futsal inelna nei tura ke kan pen nghal a ngai a, a rang thei anga kalpui tur a ni," a ti, kum 2020-ah Futsal Club championship khelh ṭan a nih tur thu an rel.

Praful Patel chuan Asian Football Confederation hnuaia ram hrang hrang futsal inelnaah pawh AIFF-in team tir tura ṭan lâk chhoh a nih tur thu a sawi. AIFF Executive Committee meeting-ah hian MFA honorary secretary Lalnghinglova Hmar a tel a ni.