Kiev khawpuiah goal a sur

Dynamo Kiev-in Champions League-ah beisei tur an nei tawh lo tih inhre mah se player pakua nichunga hun tawp thlenga khel Besiktas lakah zahngaihna an lantir duh lo a, Turkish club-in last 16 luh an beiseina chu chhut chhiat sakin 6-0 in an sawp.

Ukrainian club tan Artem Besedin-a'n minute 9-na leka goal hmahruai a khung hnu-ah Hoffenheim tana Lammuala lo inkhel tawh Besiktas defender Andreas Beck chu hnawh-chhuah a ni a, Turkish club an tho leh tawh lo. Dynamo tan Andriy Yarmolenko (penalty), Vi-taliy Buyalskiy leh Derlis Gonzalez ten goal khat ṭheuh an khung ve leh a, Besiktas striker Vincent Aboubakar chu minute 56-naah hnawhchhuah ve leh niin Serhiy Sydorchuk leh substitute Moraes ten Dynamo tan an khung chhunzawm a, 6-0 in hnehna an chang ta a ni.