First Division champion Mizoram Police

Mizoram Police chu harsatna nei loin ADFA 1st Division League-ah an champion. Thawhlehni zan final-ah Police hian Aizawl FC Academy chu 4-1 in an sawp.

Lammualah Police-in ṭantu an ngah zawk a, inkhelah an chungung bawk. Minute 29-naah Lalfakawma'n substitute Lalrinchhana (Itan-a) cross chu goal-ah a chantir a, Police-in goal an khung hmasa zawk. Amaherawhchu inhliam vanga left back Lallawmzuala thlaktu Itan-a handball vangin Aizawl FC Academy-in penalty a hmu a, first half tawp hma hretin H. Lalnunzira'n sut nan a hmang.

Second half minute thumnaah AFC Academy defender Lal-lawmawma'n an lamah an tilut a, an insiamṭha tawh lo. Police tan Lalfakzuala'n goal hnih khung belhin 4-1 in hnehna an chang. Lalsangbera'n final-ah goal khung lo mah se first division league-ah goal 12 khungin top scorer a ni.

Police-in first division-ah ro an rel a, league round-ah All India Police Meet an khelh dawn avanga an khelh zawn tir char char chung pawhin team hnih chiah hneh loh an tawng. Mimal chawimawinaah Police player an lang tam ber. Defender Lalhmunmawia, midfielder V. Laltanpuia leh forward Lalbiak-hlua te chu anmahni position-ah ṭheuh player ṭha bera thlan an ni a, captain Ṭ-a'n best player chawimawina a hui tel bawk.

ZoFooty Statistics

Mizoram Police FC 4 - 1 Aizawl FC Academy

MPFC : Lalfakawma 29’; Lallawmawma 48’ (OG); Lalfakzuala 52’, 60’

AFC : H. Lalnunzira 45’+2 (P)

54% Ball Possession 46%

19 Shots 9

8 On Target 5

1 Yellow Cards 0

0 Red Cards 0

Powered by Darchiauva Hardware, Mission Veng

Team dinhmun leh pawisa dawn

Champion Mizoram Police FC Rs 150,000

2nd Position Aizawl FC Academy Rs 80,000

3rd Position Venghlui FC Rs 65,000

4th Position Ramhlun FC Rs 55,000

5th Position Chaltlang FC Rs 45,000

6th Position Chawnpui FC Rs 35,000)

7th Position: 1st BN MAP Academy Rs 25,000

8th Position FC Kulikawn Rs 15,000

*1st Bn MAP leh FC Kulikawn te 2nd Division-ah relegate.

Mimal Chawimawina

Best Goalkeeper Sangtluanga, Aizawl FC Academy

Best Defender Lalhmunmawia, Mizoram Police

Best Midfielder V. Laltanpuia, Mizoram Police

Best Forward Lalbiakhlua, Mizoram Police

Best Player V. Laltanpuia, Mizoram Police

Top Scorer Lalsangbera, 12 goals, Mizoram Police

Fair Play Award 1st Battalion MAP Academy