Record siamtu Chanmarians chak

Mahuma Memorial Cricket Tournament khelh mekah nimin khan Chanmarians chuan run 216-in Luangmual an hneh a, Mizoram cricket chanchina inhnehna sang ber a ni. Chanmarians hian over 40-ah run 282 zet siamin wicket sarih chiah an hloh a, hei hi team pakhatin Mizoram cricket-a run an siam hnem ber ṭum a ni bawk. Chanmarians record siamna kawngah hian ball 50 a hmachhawna run 56 siamtu Lalhmangaiha leh ball 48-a run 60 vaw chhuaktu Lalhruaizela te an che ṭha fal hle.

Luangmual hian theih-tawp chhuahin an target um phak ngei tum mah se an tlin ngang lo a, over 21.5-ah run 66 chiah tlinin wicket an hloh vek a ni. Vawiin chawhma dar 9:15 hian Ramhlun Venglai leh Zarkawt Lords te an in-hma-chhawn ve lehnghal ang.