MLS player ṭha ber Villa

David Villa chu Major League Soccer Most Valuable Player atan thlan a ni. Barcelona striker hlui hian season liam ta khan New York City tan goal 23 a khung.

Spanish international hlui Villa hian kum 2014 khan La Liga club Atletico Madrid aṭangin New York City hi a zawm a, MSL-ah season hnih hun a hman chhungin match 63 a khelh tawhah goal 41 a khung leh der tawh.

Kum 35-a upa Villa chuan, "League dangdai leh nuam taka chawimawina sang ka dawng thei hi ka lawm, kum hnih liamta a he hmuna ka rawn kal tirha ka thil tum pakhat chu ka hlen ta. Club tana player ṭangkai leh thawhhlawk nih ka tum a, a thleng dik mek a ni," tiin a sawi.

Spain tana FIFA World Cup leh European Championship champion ni tawh Villa hian MSL club tan kum khat daih contract a la nei mek.