Mercedes-in Alonso an ngaihven?

Formula 1 constructor champion Mercedes-in an driver chawlta Nico Rosberg hmunruak luah thei tur an melh mek a, tuna hming lam rik rin ber chu Fernando Alonso a ni.

German driver Ros-berg-a'n world champion a nih hnu lawkah Formula 1 inelna a chawlhsan thu a sawi a, khawvel a bara-khaih. A hmun ruak luah tur hian a hnam pui world champion vawi li ni tawh Sebastian Vettel hming sawi rik a nih hnuah Alonso hming an lam ve leh ta.

Mercedes boss Toto Wolff chuan, "Fernando chungchang hi kan ngaihtuah a ṭul, ani hi driver tam tak zinga ka zah tak a ni. Theihna a nei sang a, a tlan chak bakah tawnhriat a ngah tawh hle," a ti. Wolff thusawi aṭang chuan Spanish diver hian season tharah Mercedes car a khalh a nih pawhin a mak lo ang.

Wolff chuan sawi chhun-zawmin, "Tunah hian McLaren tan kum khat daih contract a la nei mek a, thil thleng thei leh lo thleng tur tam tak kan ngaih-tuah chu a ṭul ang," a ti.

Wolff hian an driver zingah duhsak zawk an nei ṭhin anga an sawina chu chhangin, "Formula 1 a inlan turin driver pa-hnih kan neih a ṭul a, keini chuan dinhmun thuhmunah kan dah a, duhsakna leh thlawpna pawh ang khat an dawng ṭhin," tiin a sawi.

Kum 35-a upa Alonso hi 2005 leh 2006 khan Formula 1 champion a lo ni tawh a, a lakah beiseina sang tak awm mah se tun hnaiah beisei a phak lo - season hmasa khan point 54 hmuin 10-na a ni. Alonso hian Mercedes a zawm a nih chuan world champion vawi thum ni tawh Lewis Hamilton nen an inkawp ang.