Kum thara lo kir tur Federer

Roger Federer chu kimin chhungin court chhungah a hmel kan hmu tawh dawn lo. Swiss thiampuipa hian Wimbledon semifinal-a a tlak hnuah a tan season a tawp thu a lo sawi tawh a, ATP inelnaah inlan tum tawh lo mah se International Premier Tennis League (IPTL) khel tura ngaih a ni.

Grand Slam vawi 17 champion tawh Federer hi beisei ang leh duhthusama a khup a dam mai theih loh avangin IPTL-ah hian a inlan dawn lo nia sawi a ni, a inlan loh chhan tur tak erawh inelna buatsaih tute lam aṭanga harsatna a awm vang nia sawi a ni thung. IPTL khelh mekah hian hmeichhe world number 2 Serena Williams pawh inlan tura ngaih ni mah se a lo inhnukdawk tawh bawk.

IPTL founder Ma-hesh Bhupathi chuan, "Kum-inah harsatna neuh neuh paltlang tur kan ngah hle a, kan tum leh ruahman sa angin thil a kal vek thei lo," tiin a sawi.

IPTL hi a season thumna niin team panga - Indian Aces, Japan War-riors, Singapore Slammers leh UAE Royals te an inel. Kuminah hian player langsar Kei Nishikori, Tomas Berdych leh Nick Kyrgios te an inlan a, kum 2014 leh 2015 khan world number 1 Andy Murray a lo inlan tawh bawk.