Police an chungnung

Mizoram Police-in Aizawl DFA First Divi-sion League nomawi an chawi aṭanga darkar 48 pawh tling loah Venghlui FC 6-1 in an sawp.

MPL6 Qualifier match hmasa berah Police tan Lalfakawma, Lal-ramtharmawia, TC Van-lal-hruaia, Lalfakzuala, V. Lalṭanpuia leh F. Lal-rinpuia ten goal khat
ṭheuh an khung a, Venghlui FC tana C. Lal-muanpuia goal khung chu mualpho lutuk tur hliah khuhna chauh a ni.

Police hian Venghlui hi first division-ah 5-1 in an hneh tawh a, an in-tawn hnuhnung berah 1-1 in inhnehtawk mah se nimin inkhel aṭangin team ṭha zawk a chiang. Mizoram football-in tun dinhmun a thlen theih nana tha thawh hlawk Police hi Mizoram Premier League Season 4-ah pariatnaa an awm vangin an relegate a, nimina goal ruk lai an khung avangin Mizoram football inelna sang bera let leh turin an dinhmun a ṭha hle.

Mizoram Police hian De-cember 10, Inrinni hian RG Stadium-ah New Serchhip FC an hma-chhawn dawn a, hnehna an chang a nih chuan MPL6 khelh theihna ticket an hlawh chhuak ang.

Venghlui FC tan MPL khelh theihna kawng a la inhawng a, December 12-a New Serchhip an hneh a nih chuan MPL Playoff khel thei din-hmunah an ding ang.

MPL Qualifier Fixtures & results

Nimin Inkhel Results

Mizoram Police 6 - 1 Venghlui FC

MPFC : Lalfakawma 7'; Lalramtharmawia 37'; TC Vanlalhruaia 69'; Lalfakzuala

85'; V. Lalṭanpuia 88'; F. Lalrinpuia 89'

VFC : C. Lalmuanpuia 79'

December 10, RG Stadium

1:00 PM New Serchhip FC vs Mizoram Police FC

December 12, Lammual

1:00 PM Venghlui FC vs New Serchhip FC

MPL Play Off Fixtures

December 14, Lammual

Ramhlun North FC vs Qualifier 2

December 16, Lammual

Qualifier 2 vs Ramhlun North FC