Real Madrid chungah Dortmund

Borussia Dortmund-in Santiago Bernabeu-ah team huaisen an nihzia an lantir. German club hian Real Madrid lakah sihnih an phurh zet hnuah an sut leh a, Spanish club nen hian 2-2 a inhnehtawkin Champions League Group F hmahruaitu an ni.

Zinedine Zidane-a'n a naute hneh loh nei loa match 34 zet a kaltluanpuina inkhelah hian striker Karim Benzema goal hnih hmangin 2-0 in hma an hruai. French manager hian kum 1988-1989 inkara Leo Beenhakker kaihhruai Real Madrid record a nih rualnaah hian hnehna chang ngei tur ngaih an ni hman.

Amaherawhchu, beisei angin thil a kal bik lo. Tun season Champions League group stage-a goal khung hnem ber Dortmund hian stri-ker chhuanvawr Pierre-Eme-rick Aubameyang hmanga si khat an sut hnuah damkawr Marco Reus chuan hun tawp hma deuhin an siphurh a sut. Thomas Tuchel-a naute hian match ruk an khelh
aṭangin goal 21 an khung a - Champions League group stage a goal khung hnem ber record thar an siam.

Dortmund manager Tuchel chuan, "Kan khel ṭha a, tihsual leh thutlukna siamsual zeuh vangin goal hnih kan chhuah. Goal hnih kan phurh hnua kan beih let dan khan mi ti lawm em em a, hun a tawp ruala a chung ber dinhmun kan luah khan kan lawm a ti famkim," tiin a sawi.

Goal khat a khung baka Reus goal khung tur siamsaktu Aubameyang chuan, "Ka pu hnenah khan Real tana khelh ka chak thu hi ka lo sawi tawh ṭhin a, ka thu sawi kha a la pangngai reng. Chutihrualin tunah hian kum 2020 thleng cham turin Dortmund tan hian contract ka la nei a, tunah chuan German club-ah hian ka hlim tawk - nakinah enge lo thleng tur erawh a hriat loh," a ti.

Real Madrid manager Zi--dane chuan goal hnih khungtu Benzema fakin, "Cham-pions League-ah goal 50 a khung tling ta, player
ṭha bik tan lo chuan hetiang dinhmun hi a thlen theih loh - ka lawmpui takzet," a ti.

Zidane chuan sawi chhun-zawmin, "Goal hnih kan khung a, inkhel kan thunun bawk. Kan hun ṭha neih kan chhawr ṭangkai theih loh laiin Dortmund an beidawng duh lo a, a tawpah min hrem - hei hi football chu a ni," tiin a sawi.