Foxes an zawr

Leicester City mana-ger Claudio Ranieri-a'n Champions League last 16 an lut chiang tawh tih hre chungin starting XI-ah player 10 a thlak danglam a, Porto khel-mualah 5-0 zetin an tlawm - Portuguese club-in Foxes hnungzuiin last 16 an lut a, Leicester erawh English club zinga Champions League-a heti zata chak zo lo hmasa ber an ni.

Ranieri-a naute hian Champions League-a an match hnuhnung pangaah vawi khat chiah goal chhuah mah se Porto lakah erawh an lama ball a awm apiangin an chhuah emaw tih mai tur a ni a, Andre Silva (2), Jesus Corona, Yacine Brahimi leh Diogo Jota te an dang zo lo.

Foxes-in season hmasa Premier League nomawi an chawi theih nana player ṭangkai pahnih Jamie Vardy leh Riyad Mahrez te chu Portugal-ah hruai tel an ni lo a, tlarhma lama an aiawhtu Shinji Okazaki leh Ahmed Musa ten Porto tlarhnung an chhaih buai thei meuh lo.

Penalty chawia Silva goal hnihna 'khilai' tu Danny Drinkwater chu second half tawp lamah hliam vanga lak chhuah a ni a, Ranieri chuan a player pawimawh hliam chu a serious loh a beisei thu a sawi.

Italian manager chuan in-khel chungchang sawi nghalin, "Tunah chuan ka naute ka hriatchian leh-zual phah a, thil danglam hmuh kan beisei a, mah se Porto tan khan awlsam taka chak theih turin kan awm a ni," tiin a naute khelh danah a lawm lo.