Juventus chak nuamsa

Serie A hmahruaitu Juventus-in Group H hmahruaitu nichunga last 16 lut turin harsatna an tawk lo a, an mikhual Dinamo Zagreb chu Gonzalo Higuain leh Daniele Rugani goal khat ve ve khung hmangin 2-0 in an hneh a, Argentine striker manto Higuain-a'n minute 418 goal a khung loh hnua a khung ve leh ta hi Italian club ṭantute tan thu lawmawm a ni.

Juventus legend Gianluigi Buffon chu Champions League match 51 hnua a vawi khat nan bench-ah hahchawlhtir a ni a, a aia lut Brazilian goalkeeper Neto-a'n hnathawh tur a nei meuh lo. Juventus boss Massimiliano Allegri chuan, "Tun season Cham-pions League-ah kan khelmualah hnehna kan la chang miah lo a, zanin result hi kan tan chuan a lawmawm a ni," tiin a sawi.