Clippers lakah GSW chungnung

Nimin zing NBA regular season inkhelah Golden State Warriors chuan Los Angeles Clippers lakah 115-98 in hnehna an chang. Golden State hian tun season-ah match 19 hnehna an channa chiah niin ṭum thum an chak lo tawh thung.

Staples Center-a inkhelah Kevin Durant chuan tun season-a a vawi khat nan inkhel bul a ṭan lo a, Ame-rican star hi court chhungah minute 31 chhung inlanin point 16 a score leh hman tho. Most Valuable Player Stephen Curry chuan point 19 a score bakah steals 7 leh assists 7 a neih bakah rebounds vawi li a la bawk.

GSW tana point 22 score tu Draymond Green chuan, "Kan khel ṭha lo, a bik takin kan basket venhim kawngah a ṭha tawk lo hle. Kan van-neih ni a ni a, hnehna kan chang hram - inkhelh leh hunah chuan insiamṭhat ngaihna lai kan ngah," tiin a sawi.