Zarkawt Lords an chak

Mahuma Memorial Cricket Tournament khelh mekah nimin khan Zarkawt Lords chuan run 12-in Ramhlun Venglai an hneh hram. Zarkawt hian over 33-ah run 148 siamin wicket an hloh vek a, run 25 siamtu Simon C. Lalramchhana chu Zarkawt tana run vaw chhuak hnem ber a ni.

Ramhlun Venglai lamin hnehna chan ngei tumin bei let mah se over 38-ah run 134 siamin an vaiin an out vek a, RVL tan run 37 siama a tawp thleng dam Remruatdika leh Ngurdingliana (32 runs) te che ṭha thawkhat viau mah se an ṭhianten an thlawp ṭhat tawk loh avangin hnehna an chang zo ta chuang lo a ni. Vawiin chawhma dar 9:15 hian Kulikawn leh Chaltlang an inhmachhawn ve leh ang.