Club World Cup-ah video replay

FIFA Club World Cup chu nimin khan Yo-kohama, Japan-ah khelh
ṭan a ni a, Kashima Antlers leh Auckland City te match hmasa berah hian an inhmachhawn a, Antlers 2-1 in an chak.

Khawmualpui club ṭha inelna Club World Cup-ah hian a vawi khat nan referee pui turin video replay hman ṭan a ni. Result thlak danglam thei thil thleng a awm a nih chuan video assistant referee-in match official te a hriattir ang a, referee-in video replay thil thlen dan chiang zawkin a en let thei dawn tihna a ni.

Friendly match bikah chuan video replay hi November thlaa Italy leh Germany te inkhelh ṭum leh September thlaa Italy leh France te inkhelh
ṭum-in enchhin a ni tawh a, FIFA hnuaia inelna erawh Club World Cup hi an vawi khat hmanna tur a ni.

FIFA Club World Cup-ah hian Copa Li-ber-tadores champion Atle-tico Nacional leh UEFA Champions League cham-pion Real Madrid te chu semifinal aṭangin an inlan chauh ang.