Vawiin aṬangin mikhual 4 inlanna tur Governor's Cup MBBA Cup-ah Tuikual an champion

Mizoram Basketball Asso-ciation leh Assam Rifles te buatsaih Governor's Cup chu vawiin dar 10 hian Hawla Indoor Stadium, Republic Vengthlangah a hawnna neih a ni dawn. Inelna hi Mizote leh Assam Rifles te inṭhian ṭhatna atan tih a ni a, vawiin hian match li a awm nghal ang.

Nilaini zan khan Mizoram Bas-ket-ball Association buatsaih MBBA Cup 2016 chu a hmawr bawk a ni ta. Mizoram Super League 2 final rematch-ah Tuikual South chuan Khatla TBL lakah 95-85 a phuba lain champion nomawi an chawi.

Final inkhelah MSL vawi hnih champion tawh TBL-in inkhel bul an ṭan ṭha zawk a, quarter thumna an khelh thlengin 63-58 in an chungnung zawk. Mahse, quarter hnuhnung berah thil a danglam vek! Tuikual lamin point 37 zet an score belh laiin TBL lam hian 22 bak an tlin lo - a tawpa an inthlauhna chu point 10 lai a ni.

Kum 14 hnuai lam inelnaah pawh Tuikual South bawk an chungnung ber a, final-ah Zotlang chu 45-38 a hnehin an champion.

Governor's Cup a pui dawn

Vawiina ṭan tur Governor's Cup-ah hian MSL-a a thiam pali chiah an tel phak a, a bak chu state pawn aṭanga sipai team pali an ni.

Vawiina inkhel turte:

Khatla TBL vs Assam Regt.

Zarkawt Serpents vs Assam Rifles

Tuikual South vs Rajput Regt.

Mission Vikings vs Rajputana Rifles