Taekwondo League champion Ramhlun

Mizoram Taekwondo Association (MATA) buatsaih Taekwondo Fight League chu Nilaini zan khan a hmawr bawk a ni a, final-ah Ramhlun Sporting Club chuan league round lama an lo hneh loh tawh Kolasib Fighter chu 38-26 a hneh letin an champion.

Aizawl Electric Veng YMA Hall-a final khelh zan hian Champion of Champions Title Fight neih nghal niin mipa champion lai Johny Vanlal-ruatsanga, Zarkawt chuan 2-4, 1-4, 4-3 in Lalramdinthara lakah a Title a humhim. Hmeichhe lamah Khaw-zawl nula F. Lalrempuii chuan Kaplian-zawni, Ramthar chu 4-2, 1-4, 1-2 a hnehin a vawi thum nan a champion bawk.

MATA hian Champion of Champions Title hi kum 1992 aṭang khan an nei
ṭan a. Junior leh Senior Weight Category hrang hranga Champion te chu an in tum leh vek a, chuta chak ber chuan he title hi an dawng ṭhin.

TFL champion RSC hian Rs 50,000/- an dawng a, runners up Kolasib hian Rs 30,000 dawngin semifinalist ATA Electric Veng Fighter leh Republic Veng Fighter ten Rs 10,000 an dawng ve bawk.