CYMA-in ngaihdam dil

Central YMA vice president Vanlalruata'n Mizorama ukilte chung-changa a thu sawi vangin Central YMA hruaitute chuan nimin khan Mizoram Bar Association (MBA) hnenah ngaihdam an dil a; MBA chuan ngaihdam dilna chu an lo pawmsak.

MBA Secretary hnen aṭanga thu dawn danin, CYMA Vice President aiawhin CYMA office bearer pathum leh adviser-te nimin tlai khan MBA pisaah kalin, an Vice President thusawi tawh chungchangah ngaihdam an dil. CYMA leh MBA hruaitute chuan joint statement siam an rel a ni.

CYMA Vice President thusawi avangin a lakah MBA chuan Court-ah criminal complaint thehluh an lo rel tawh a, mahse, nimin thleng khan an thehlut hman lo.