Russian GP an tlan theih a rinawm

World Anti-Doping Agency (WADA) chuan Russia chu kum li chhung atan a hrem tih a puang a, mahse car intlansiakna sang ber Formula 1 erawh harsatna nei loa tlan chhunzawm theih a nih beisei a ni.

Damdawi hman phal leh hman phal loh endiktu pawl WADA hremna ang chuan, Olympic leh World Cup bakah nakkum September thlaa tlan tur Russian Grand Prix pawh hi a nghawng dawn. Amaherawhchu, Russian GP promoter Rosgonki chuan, "F1 leh Russian GP inremna hi kum 2010 a neih daih tawh kha a ni a, 2025 thleng a awh ang. Inremna neih hunlai hi WADA-in zirchianna a neih hmalam daih a nih avangin harsatna nei loa intlansiak kan neih theih ngei kan ring," a ti.