Indian Super League Zaninah semifinal khel ṭan dawn

Indian Super League semifinal first leg chu zanin dar 7 hian khelh a ni dawn a, Atletico de Kolkata chuan Mumbai City an mikhual ang. Kolkata club-ah hian Mizo tlangval Lalrindika Ralte leh Robert Lalthla-muana te an awm a, Didika hi league match 14 an khelhah match 10 inlanin Khawzawl tlangval Robert-a'n match riat a khel tawh bawk a, a thiam pali zinga an telna kawngah player pawimawh pawl an ni.

Mumbai City lamah David Lalrinmuana, Lal-hmangaihsanga Ralte leh Lalchhuanmawia te an awm. Aizawl FC captain hlui David-a'n match hnih chiah la khelin hmun a chang phak meuh lo a, Lengpui tlangval Chhuantea'n hliam vangin match khat chiah a la khel bawk. North Mualcheng tlangval Sena erawh Mumbai tan semifinal an luhna kawngah ban rinawm a ni a, match 14 a khelhah vawi li ngawt 'Emerging Player of the Match' dinhmun a luah.

Pathianni zan semi-final inkhel dangah Kerala Blasters chuan Delhi Dy-namos an mikhual dawn bawk a, Manchester Uni--ted winger hlui Steve Coppell-a enkawl Blas^-ters lamah Mizo an awm lo. Delhi Dynamos-ah Malsawmzuala, Lal-ruat-thara leh Lal-chhawn-kima te an awm a, Hmunhmelṭha tlangval Ruatthara'n ISL-ah a hmel a la lan lo.

I League lama Sawmtea khelhna Bengaluru FC-in AFC Cup final an luh avangin Chaltlang rawlthar hian Dynamos squad a zawm lawk lo a, hetichung hian match thum a inlan tawh. Champhai tlangval Kim Kima chu Delhi-in semifinal an luh theihna kawnga player pawimawh a ni a, Pathianni zanah inkhel bul a ṭan a nih pawn a mak lo ang.