Insiamṭhat tum Reds

Liverpool-in Premier League-a an match hnuhnung berah rin loh takin Bournemouth an inlehthal tir a, 3-1 a hma an hruai zet hnuah 4-3 in an tlawm. Champion beisei Reds boss Jurgen Klopp-a'n insiamṭhat an mamawh tih a hria a, Champions League-a Barcelona inkhel en turin a naute chu Nou Camp-ah a hruai! Liverpool hian Pathianni zan dar 10:00-ah West Ham an mikhual dawn a, Barca inkhel aṭanga an inzir leh zir loh a hriat ang.

Bournemouth an hneh loh hnu lawk khan Klopp chuan, "Tun hi kan intih chak hun chu a ni a, Cherries laka kan tawnhriat duhawm lo tak aṭang hian insiamṭhat nghal kan tum ang. Hammers nen kan inhmachhawn a hun meuh chuan team chak tak kan nihzia kan pholang thei leh tawh ang," tiin a sawi a, German coach thusawi thlen dik leh dik loh hi hriat a chakawm tawh hle.

Liverpool tan chan-chin lawmawm a awm a, Sadio Mane chu Ham-mers hmachhawn tura a dam hman beisei a ni. Senegalese forward hi Bournemouth an hneh loh ṭumin hliam vanga lak chhuah a ni a, pangngai takin training a nei leh tawh. Anfield-a pan hnua defender pawimawh ni thei Joel Matip pawhin training a zawm a, Ja-nuary transfer-a Ham-mers zawm tur anga an sawi Daniel Sturridge erawh a la in 'fit' tawk lo thung.

Reds manager Jurgen Klopp chuan, "Ka first team squad aṭangin tum-ah hralh tumna ka nei lo. Sturridge hian tunah hliam vangin training a zawm thei lo mek a, a chhuah hlauhthawnna ai chuan hei hian minti buai zawk a ni," tiin a striker chungchang a sawi.