Chape hmachhawn duh Barca

Spanish club lian Barcelona chuan tun hnaia thlawhtheihna chetsual vanga an player 19 chantu Chapecoense chu nakkum nipui laia pre-season friendly match khelhpui turin an sawm. Barca-in Brazilian club an sawmna hi Joan Gamper trophy tih a ni a, Catalan club hian season ṭan dawn apiangin club sawmbik an khelhpui ṭhin.

La Liga champion chuan, "Kum 2017 Joan Gamper Trophy khel tura Chapecoense ka sawm chhan hi an club hi ṭha taka an tundin leh theihna tura tha thawh ve ngei kan duh vang a ni a, an lo din tawh ṭhin-naah khan an din leh theih hi kan duhpui a ni. Barcelona chuan Chapecoense board of directors hnenah kan sawmna hi kan thawn tawh a ni," tiin thuchhuah an siam.

Barca hian vawiin tlai dar 5:30-ah Osasuna chu league match an khelhpui dawn a, Luis Enrique-a naute hian league match thum chhung chu a zawnin chak hmel an hmu tawh lo.