Chaltlang vaw tlatu Kulikawn

Mahuma Memorial Cricket Tournament khelh mekah nimin khan Kulikawn chuan run 171-in Chaltlang an sawp a, Chaltlang hi first division aṭangin an tla ta. Kulikawn hian over 40-ah run 258 siama wicket li chiah hlohin an khel ṭha takzet a, ball 97-a hmachhawna run 113 siamtu Prasenjit Sarkar a khel ṭha fal hle - tun tournament kal meka century vaw chhuak hmasa ber niin run 43 siamtu Michael Lalremkima'n a thlawp
ṭha takzet bawk.

Chaltlang lamin an hmaah target huphurh-awm a inchhawp tih hre mah se an che hleithei lo a, over 30-ah run 87 chiah siamin an out vek! Chaltlang tana run siam hnem ber Joseph Lalmuanpuia chuan run 23 siamin a tawp thleng a dam a, a ṭhiante zingah run 20 vaw kai thei dang an awm lo. Vawiin chawhma dar 9:15 hian Chhinga Veng leh Tlangnuam an inhmachhawn ve leh ang.