Australian Open Player langsar an kim beisei a ni

Thlaleh mai hian Aus-tralian Open khelh a ni leh tawh dawn a, he hunah hian khawvela tennis player langsar ber ber an inlan kim theih beisei a ni.

Mipa leh hmeichhe world number 1 Andy Mur-ray leh Angelique Kerber te chu season thara Grand Slam hmasa berah hian seeded pakhatna an ni ang. Champion lai Novak Djokovic chu har-satna nei loa inlanthei tura ngaih a nih bakah hmeichhe lamah vawi ruk champion tawh Serena Willams pawhin tun din-hmunah chuan hliam a nei lo.

Tournament director Craig Tiley chuan, "Aus-tralian Open 2017-ah hian kum dang zawng aiin player ṭha an tel kim theih kan beisei. Ṭum dang ang lo takin mipa leh hmeichhe world number 1 thar kan nei dawn a, hei hian a ti phur awm dangdai hle," tiin a sawi.

Kumin Janury thla khan Roger Federer chu a vawi khat nan a khup zai a ni a, kum tluanin a buai phah niin a lang. Rafael Nadal pawh a banrek na vangin kum tawp lamah a buai bawk.

Tiley chuan, "Roger leh Rafe te hi tennis khawvela sulhnu nei ṭha berte zinga mi an ni a, kuminah hliam vangin buai deuh mah se January thlaah chuan an dam ṭhat ngei kan beisei," tiin a sawi.