Everester Rintluangi tan silver

Mizoram State Games 2019-ah Mizo hmeichhe zinga Mount Everest lawn chhuak hmasa ber Lalrintluangi chuan arm wrestling-ah (below 60 kgs) silver medal a dawng.

Dawrpui Vengthar nula Lalrintluangi hian May 21, 2016 khan khawvel tlan gsang ber Mt. Everest chhip a thleng a, kumin Chapchar Kut khan Chawimawina Nopui an hlan. Kg 60 hnuai lam arm wrestling hmanga inelnaah hian Rintluangi hi Aizawl West II aiawhin a inlan a,  Daisy Lalrinpuii, Aizawl West I leh Lalrempuii, Tuikum chuan gold leh bronze medal an la.