Conte-a Chelsea chelh thei an awm lo?
Antonio Conte-a kaih--hruai Chelsea-in Sep-tember 24-a Arsenal an hneh loh hnuah hnunglam an hawikir tawh lo. Blues hian Premier League match riat khel leh tawhin hnehna an chang fai vek - Pathianni zan dar 5:30 hian West Brom an lo mikhual leh ang.
Italian manager hian 3-4-3 formation hmangin a naute a remkhawm a, an match hnuhnung pariatah hian goal 22 khungin an lamah goal thum chiah a lut, tun dinhmunah chuan English club zinga khel ṭha tluang ber an ni. Season hmasaa beisei an phak loh vangin kuminah Europe-ah an inlan lo a, player ten hahchawlhna hun an nei tam.
Chelsea playmaker Eden Hazard chuan, "Kum tin hian a zawna match riat chhung chak zawn theih a ni lo, hetiang thleng tur hi chuan mimal ni loin kan zavaia kan khelh ṭhat rual a ngai," a ti. Blues hian 2006/07 hnuah kumin chiah hi a zawna match riat chhung hneh loh nei loa an kaltluan lehna hmasa ber a ni.
Premier League sea-son kal mekah Chelsea stri-ker chuan goal 11 khungin Arsenal thiam-puipa Alexis Sanchez nen an intluk. Spanish inter-national bakah hian goal riat khung thei Hazard te hi Conte hnuaia player pawimawh an ni mek.
Premier League hmahruaitu hian a zawnin match kua hnehna an chang thei ang em tih chu chhanin a awm dawn. West Brom hian kum 38 chhung zet chu Stamford Bridge-ah hian league match bikah chakni hmel an hmu tawh lo - an sul-hnu en chuan Blues hi hneh-na chang tura ngaih an ni ang.
Foxes vs City
Leicester City mana-ger Claudio Ranieri-a'n Inrinni zan dar 11:00-a Manchester City an mikhual tur hre ranin Champions League last 16-a Porto an hmachhawn ṭumin a player 10 zet a siksawi a, striker Jamie Vardy leh Riyad Mahrez te phei chu Portugal-ah hian a hruai tel lo.
Champion lai Foxes hian match 14 khelh tawh aṭanga point 13 chiah an la hmuh avangin relegation zone aṭangin point hnih chiahin an him rih. Ranieri-a'n an dinhmun ṭhat loh zia a hria a, City hmachhawn turin player a khek - Pep Guardiola naute tan King Power Stadium-a point hmuh a awlsam lo ang.
Pep Guardiola naute hi an league match hnuhnung bera Chelsea 3-1 a an ngam loh hnuah Champions League-ah Celtic nen 1-1 in an in-hnehtawk. Spanish mana-ger hian hrem vangin Ser-gio Aguero leh midfiel-der Fernandinho te chu Foxes an hmachhawn hunah hian a chhawr thei dawn lo.
Wenger a hlim
Season laihawl an hmang ṭan a, Arsene Wenger chuan kum dang ang bawkin a hlim thu a sawi chhuak! Arsenal manager hi season tawp thlenga a hlim zui theih nan chuan zanin dar 8:30-a an mikhual tur Stoke City laka hnehna chan a pawimawh ang. Gunners hian point thumin league hmahruaitu Chelsea an phak lo mek.
Wenger chuan, "Kan tan chuan December-ah hian inkhelh a tam avangin thla dang aiin a pawimawh bik. Tunah hian team ṭha tak kan indin mek a, a ṭha ber chu la ni lo mah ila kan khelh danah ka lungawi," a ti.
Mesut Ozil leh San-chez contract chungchang zawhna chhangin Wenger chuan,"Anni pahnih hian thla 18 daih contract an la nei a, football-ah chuan an la cham chen tur hi hun rei tak a la ni - hei aia rei pawh an chan chhunzawm ngei ka beisei," tiin a sawi.