Hmeichhe ranking-ah nutling pahnih

WTA ranking thar berah nutling fa nei tawh Belinda Bencic leh Elina Svitolina te top10-ah an awm a, top 10 huanga pahnih an awm vawi khatna a ni. Kum 28 mi Bencic hian April 2024 khan fanu Bella a nei a, kum 31 mi Svitolina hian October 2022 khan fanu Skai a nei bawk.

Swiss player Bencic hi thla 11 chhung a chawlh hnuah a rawn kir a, Australian Open-ah second round chauh thleng mah se pakuanaah an insawn chho. Ukrainian player Svitolina erawhin AO-ah semifinal a thleng a, 12-na aṭangin 10-naah an inhlangchho thung.

WTA danah hian hmeichhia fa nei tharte hian kum thum chhungin tournament 12-ah an ranking ngai hman phalsak an ni. Hei vang hian Bencic leh Svitolina te pawh hi an chawlh chhungin an ranking-in a tuar lo. Ranking chung berah Aryna Sabalenka a awm a, Belarusian player hian AO champion thei lo mah se a la sang fal hle. AO-a champion thar Elena Rybakina pawh pathumnaah a inhlang chho bawk.