Mini Mizo ICC a hlawhtling

Mizoram Football Association leh Reliance Foundation Young Champs buatsaih Mini Mizo Inter Centre Championship Phase I chu February 3, Thawhlehni khan RG Stadium, Mualpuiah khelh zawh a ni. Inelnaah hian category pathum a awm a, Under 6-ah Republic GSA an champion a, Under 8 leh Under 10-ah Neuhof School, Chanmari an champion.

Mini Mizo-ah hian centre 10 awmin, centre tinah team paruk an awm a, category pathum Under 6, Under 8 leh Under 10-ah ṭhen niiin vawi hnih ṭheuh an inkhel chhuak. Mini Mizo Inter Centre Championship-ah hian centre tin aṭangin category tinah team khat ṭheuh an tawh a, inelna hi an hmachhawn. March thla aṭangin Mini Mizo phase II hi kalpui leh tur a ni.