Doubles ranking-ah Bhambri a sang

Indian tennis player Yuki Bhambri chu ATP tennis doubles ranking thar berah 20-na a ni a, Rohan Bopanna hnua Indian zinga top 20-a awm leh thei hmasa ber a ni.

Kum 33 mi Bhambri hi Australian Open-ah khan Sweden mi Andre Goransson nen inkawpin first round-ah khawtual mi James Duckworth leh Cruz Hewitt te an hneh. Second round-ah Santiago Gonzalez leh David Pel te hneh lehin third round-ah chak lo mah se top 20 a kai theihna chhan a ni.

Nikum khan Bhambri hian Michael Venus nen inkawpin US Open semifinalan thleng a, nikum vek khan Alexei Popyrin nen inkawpin Dubai Tennis Championships-ah an champion bawk.